Bas tum sath chalte rehna..

Kuch tum mujhse baatein karna..
Kuch main tumse kar lunga baatein..
Zindgi yu hi kat jayegi bas tum sath chalte rehna..

Kuch pal tum mujhme rehna..
Kuch pal main tum me reh lunga..
Zindgi yu hi kat jayegi bas tum sath chalte rehna..

Kuch tumhari zindgi main ji lunga..
Kuch tum meri ji lena..
Zindgi yu hi kat jayegi bas tum sath chalte rehna..

Kuch savere naye honge..
Kuch raaste naye honge..
Kabhi jo safar me thak jao mere seene pe sar rakh lena..
Or zindgi yu hi kat jayegi bas tum sath chalte rehna..

Kabhi kisi mod pe baithe kshitij ko nihaarenge..
Kahin thandi ret pe baithe kuch pal sang bitaayenge...
Tb tak zindgi yu hi kat jayegi..
Tum mujhme or main tum me kahin kho jaunga..
Bas tum sath chalte rehna...

Unsaid words...

Kuch pal kam pad gye, or
Kuch shabd kam pad gye..
Warna kehna to bhout kuch tha tumse..
Dil me naa ab wo maasumiyat, Or
Na fir tootne ki himmat bachi..

Kuch teri aankho ne rok liya, Or
Kuch mere lab ladkhada gye..
Warna Kehna to bhout kuch tha tumse..

Main sapne dekh saku,
Aankho ko naa aisi neend naseeb thi.. Or
Tere haatho se lakeeren mila lu kahan aisi haisiyat meri thi..

Kuch aankhen nam ho gyi, Or
Kuch ye dil seham gaya..
Warna Kehna to bhout kuch tha tumse..
Aaj fir kho gaya wo saksh kahin,
Jo nazar aaya tha ek zamane ke baad..

Tere dil ko chu saku aisi meri kismat nhi, Or
Waqt mere hisab me ab kuch jyada nhi..

Kuch kadam bojh ho gye, Or
Kuch kshitij bhout door ho gaya..
Kuch saanso ne sath na diya, Or kuch dhadkan tham gayi..
Warna kehna to ab bhi bhout kuch tha tumse..

My love for you will live forever...

Ek sawal jiska jawab kabhi mila nhi,
Aur dil use bhool jaaye aisa kyu hota nhi..
Zindgi ne jo mazak kiya,
Dil aaj bhi us se sehma hai..

Dil ko sambhalu ya fir se lagau,
Zindgi ne phir ek sawal kar diya hai!!

Kabhi khwahishe poori karne ki haisiyat naa thi,
Ab haisiyat hai par khwahishe nhi,
Apni khushiya dhoonta phir rha hu gair ki aankho me,
Taaki sapne poonch saku apni aankho ke!!

Waqt se chura ke jo lamhe bitaye,
Ab bhi yaado me zinda hain..
Zindgi to jeeni hai bhale khud se gair kyu naa ho jau!!
Bas ek sawal hai jo zindgi bar bar kar rhi h,
Dil ko sambhalu ya fir se lagau..

Zindgi se jo lamhe gaye
Wo laut ke naa aayenge..
Ab chahein yaadein nam ho ya aankho me gum ho,
Lakeeron me tum nhi to lakeeren kaise mita du,
Dard ke aage kaise lamhe kam kar du!!

Ab is safar me main rahu ya na rahu,
Kshitij ke shabd rahenge aur shabdo me tum!!

My love for you will live forever... 

Love has no explanation...

Jinko dil ke kareeb samjha wo kabhi apne ho na sake...
Apna hota bhi kaise wo deepak,
baati jiski hamesha se Parai hi thi...


Pyar kar baithe roshni se
galti to hamari thi..
Andhero se karte to shayad
parchai se mulakat to na hoti..

Pyar ibadat hai yhi seekha tha humne..
Par khuda ke bhi dharm
honge ye na socha tha humne..

Neend me chalne ka rog ho
jata to hi acha tha..
Kam se Kam jaagti aanko se
galat rah pe jane ka ilzam to na lagta..

Ek dhaaga hai kshitij, pyar ka..
Gale se laga lo to ibadat,
aur toot gaya to aankho se behta intzar...

Journey of kshitij towards love..

Ye safar hai kshitij ki oor kshitij ko chalna hai abhi..
Tera sath paane ki aarju ab dil me nhi..
Par apne waado se mukar jaau ye bhi mumkin nhi..
Sath rahunga har pal teri khushi me teri muskurahat me..

Jab bhi savera hoga main roshni ban kar aaunga..
Raat hogi to sapna ban kar neendo ko sajaunga..
Barsat ki boondo me sangeet ban kar mann ko lubhaaunga..
Sookhe patto ki aahat me kshitij ka ehsaas dilaunga..

Lafz jab tak baki hai or kshitij ka jab tak kshitij se milna baki hai..
Main intzar tumhara karunga tab tak..
Kyuki safar hai kshitij ka kshitij ko chalna hai abhi or apne waado se mukar jau ye mumkin nhi..

Zindgi khamosh hai, sirf teri aawaz sunai deti hai..
Mere lab khamosh hai, sirf shabd chod jaaunga..
Main sirf tere liye jiya or sirf teri yaadein le jaaunga..
Pyar rahega mera, jab tak safar kshitij ka h..
Kyuki waado se mukar jau ye mumkin nhi..

I will always love you...