Kabhi Khamosh reh kar, 
Kabhi dheeme se muskura kar,
Nami aankho ki sabse chura leta hu,
Main ab rota nhi, 
Bas dard dil ka kaagaz pe utaar leta hu..

Ek tum mile the or ek zindagi,
Door ab dono ho gaye,
Kabhi jo kho jata hu beete waqt me,
Taaro ko dekh, sar ibadat me jhuka kar, 
Khushiyaan tumhari maang leta hu...
Main ab rota nahi,
Bas dard dil ka kaagaz pe utaar leta hu...

Neend aayegi kabhi to hume bhi,
Tumhare aanchal ki aadat abhi gayi nahi,
So jao aie sitaaron tum,
Main unki yaadon ke sirhaane kuch der aur,
zara waqt guzaar leta hu,
Main ab rota nhi,
Bas dard dil ka kaagaz pe utaar leta hu..

Maana kabhi kabhi aankhon ke kone bheeg jaate hain,
Kabhi dipawali ke diye or kabhi holi ke rang tumhari yaadein le aate hain..

Tanha guzarti hain wo shaamein aaj bhi, 
Jo kabhi tumhare sang baithe kshitij ko dekhte hue beet jaya karti thi..

Wo waqt tha ek...jo guzar gaya,
Aur ek ye waqt hai jo guzarta hi nhi...
Par! Main ab rota nhi,
Bas dard dil ka kaagaz pe utaar leta hu..